مراجعة Realme 6i – هل هو أفضل موبايل ممكن تشتريه بسعر أقل من 3000 جنية ؟

مراجعة Realme 6i – هل هو أفضل موبايل ممكن تشتريه بسعر أقل من 3000 جنية ؟

كلنا منتظرين الـRealme 6 Pro والـRealme 6 .. واحنا في موبيلك فون منتظرينهم جدا جدا ، بس ريلمي في مصر ليها رأي تاني .. لانها إكتفت بنزول الـRealme C3 والـRealme 6i ..

هو التطوير او الجيل الجديد لـRealme 5 وهو اللي هياخد مكانه في الفئة السعرية بتاعته .. انما الـRealme 6 للاسف هيبقى في فئة سعرية اعلي

التصميم :-

موبايل ريلمي 6i بيجي بخامات بلاستيك وفريم بلاستيك .. وللأسف ده أول عيب في الموبايل .. بس ريلمي شايفه ان استخدام البلاستيك في الفئة السعرية ديه مش عيب .. هي وجهات نظر مش اكتر .. والموبايل واخد نفس ابعاد وحجم الـRealme 5 بالظبط.

الفرق بس ان الـRealme 6i الوانة مختلفة وغريبة .. وبصراحة الوان الموبايل مش حلوة أوي 

شاشة تقليدية جدا .. حجمها 6.5 بوصة من نوع IPS LCD وبدقة قليلة شوية HD+ وده تاني عيب في الموبايل لان دقة الشاشة منخفضة.

الأداء :-

وهنا الـRealme 6i بيجي بـ معالج جديد بنشوفه لاول مرة في الفئة السعرية ديه وهو الميدياتك Helio G80 بمعمارية 12 نانو .. معالج محترم جدًا وحاليا هو افضل معالج في الفئة السعرية بتاعت الـ2800 جنية لحد وقت نشر المراجعة.

وبالنسبة للسخونية في جسم الموبايل مع الاستخدام المكثف .. فهو بيسخن نفس سخونية الـRealme C3 اللي قولت انها مقبولة ومتوزعة كويس في جسم الموبايل علشان الخامات البلاستيك.

الكاميرات :-

موبايل Realme 6i جاي بتطوير محترم في الكاميرات .. اربع كاميرات في الظهر، الأساسيه 48 ميجا بيكسل بفتحة عدسة F/1.8 والثانيه 8 ميجا بيكسل فتحة عدسة F/2.3 للتصوير الواسع، والتالته 2 ميجا بيكسل ماكرو والأخيره 2 ميجا بيكسل للعزل.

البطارية :-

نفس البطارية الضخمة بتاعت الـRealme C3 والـRealme 5 هي 5000 مللي امبير.

10 ساعات شاشة مفتوحة هتستحمل معاك يومين ونص مستريح

الأسعار :-

موبايل Realme 6i في منه نسختين .. النسخة الصغيرة الـ64 جيجا مع 3 جيجا رام دي بسعر 2790 جنية  ودي النسخة اللي انا بنصحك بيها بالرغم من قلة حجم الرامات في السعر ده. والنسخة الـ128 جيجا مع 4 جيجا رام بسعر 3390 جنية .

وحلوه برده

عيوب موبايل Realme 6i :-

1. يوجد تنازلات كبيرة في هاتف Realme 6i عن هاتف Realme 6 العادي أهمها الكاميرا الخلفية الـ 64 ميجا بيكسل والشاشة الـ FHD+ ومعدل تحديثها الـ 90 هرتز والشحن السريع 30 واط و المعالج الأقوى من ميدياتيك G90T .. فيوجد فارق كبير بين الهاتفين .. ولكن لتظل ريلمي متواجدة بالفئة السعرية تحت الـ 3000 جنية كان لابد لها من اصدار هاتف Realme 6i بمواصفات مقبولة بسعر مقبول ( خصوصا النسخة الصغيرة 64+3 ) .
2. لا يدعم تصوير فيديوهات بجودة 4k بالرغم من دعم Realme 5 لذلك .
3. لا يدعم لمبة اشعارات ولا يوجد بديل لها .
4. للأسف الشاشة بدقة HD+ وكنا نطمح أن تأتي بدقة FHD على الأقل .
5. يعتبر Realme 6i تطوير بسيط عن Realme 5 في وجود شاحن سريع في العلبة مع كاميرات خلفية أفضل مع معالج أفضل بفرق بسيط في الاداء الرسومي .
6. للأسف لا توجد سماعات الاذن مرفقة بعلبة الهاتف .
7. الحافة السفلية للشاشة ما زالت كبيرة .

مميزات Realme 6i :-

1. أداء قوي جدا بفضل معالج ميديا تيك الـ G80 والذي سيكون أكثر من ممتاز في الألعاب .
2. نظام التشغيل الأحدث من العلبة بصورة مباشرة .
3. كاميرا خلفية تقدم اداء جيد في تصوير الصور .
4. ذاكرة صلبة وعشوائية أكثر من كافية لجميع تطبيقاتك وملفاتك .
5. مستشعر البصمة في ظهر الهاتف يعمل بشكل جيد من حيث سرعة الاستجابة .
6. يدعم تشغيل شريحتين وكارت ميموري في نفس الوقت .
7. البطارية تعمل لفترة طويلة خلال اليوم بفضل سعتها الكبيرة مع دعمها للشحن السريع بقوة 18 واط .

علبة هاتف Realme 6i :-

– رأس الشاحن بقوة 18 واط –  دبوس معدني – دليل التشغيل السريع – جراب ظهر شفاف –هاتف Realme 6i مع اسكرينة تم وضعها بشكل مسبق لحماية الشاشة - سلك USB من نوع Type –Cسلك USB من نوع Type C